Blogen erabilera ikasgeletan

Eskualdeko zenbait ikastetxetan blogak erabiltzen ari dira ikasleekin lan egiteko. Hona hemen hiruzpalau adibide:

• Ingeleseko irakasleak, ikastetxeko ikastalde guztiekin aurrera daramana. Ikus bereziki eskubiko zutabean txertatu dituen material osagarriak: hiztegiak, irudiak, idazteko aholkuak... Etxean, eskolako lanei nahiz aparteko jakinminei bidea emateko oso erabilgarriak.
• Haur Hezkuntzako irakasleek taldean egiten dutena, etxean gurasoek ikusi eta haurrekin eskolako kontuetaz hitz egiten laguntzeko.
• Lehen Hezkuntzako hirugarren zikloko ikasleek gelako egunerokotzat egiten dituztenak, eurek idazten dute klasean egindako lanen eta jardueren berri ematen: Hoberenak eta Gure Txokoa. Ohartu, hauetan bietan, zein garrantzitsua den ikasleentzat erabiltzen dituzten aplikazioen berri ematea.